Friday, July 20, 2012

ලාංකීය සමාජය තුල මධ්‍යම පන්තිකයාගේ අභියෝගය


මිනිසා යනු දේශපාලනික සත්වයෙකි. ඕනෑම අයෙකුට තමන්ට කැමති දේශපාලන  මතවාදයක් දැරිය හැක. ඒ පිලිබඳ අපට ගැටළුවක් නැත. අප කුමන මත වාදය දැරුවද පොදුවේ වර්තමාන ලාංකීය සමාජය තුල මධ්‍යම පන්තිකයා මුහුණ දෙන ගැටළු සම්බන්ධව විවරණයක් ඉදිරිපත් කිරීම මගේ බලාපොරොත්තුවයි.

අපට දේශපාලන නායකයන්ට ඕනෑ තරම් අවලාද නැගිය හැකිය. නමුත් ඒවායින් කිසිදු ප්‍රතිපලයක්  නොලැබෙන බව අමුතුවෙන් කිව යුතු නැත. අප කුමක් කීවද ඔවුන් ඔවුන්ට අවේනික දහදුරා වැඩ ටික කලට වෙලාවට නියම ආකාරයට සිදු කර ගනී. දේශපාලනික වශයෙන් රට ගොඩ දැමිය හැකි නායකයෙකු පෙනෙන තෙක් මානයක නැත. රටේ නිතිය සදාචාරය සම්බන්ධ පැහැදිලි ගැටළු පැන නැගී ඇත. එසේ නම් අපට කල හැක්කේ කුමක්ද? යම් තරමක වත් කමක් ඇති ඇතැම් දෙනෙක් වෙනත් රටවල් කරා සංක්‍රමණය වෙති. එය ඔවුන්ගේ තෝරාගැනීමය. නමුත් බහුතරයකට එසේ රට හැර දමා යා නොහැක. එසේ නම් අප කල යුත්තේ වල කටින්ම ගොඩ ඒමට උත්සහ දැරීමය. ඒ සඳහා මාගේ යෝජනා මාලාව පහතින් සඳහන් කරන්නෙමි.

  1. අපගේ මානුෂික ගති පවතුම් දියුණු කර ගත යුතුය. ඒ සඳහා ඔබගේ ආගම ඔබට උපකාර වනු ඇත.
  2. නිශ්චිත ඉලක්කයක් ඔස්සේ ජීවිතය ඉදිරියට ගෙන යා යුතුය.
  3. ඔබගේ සැබෑ හැකියාවන් හඳුනා ගෙන ඒ ඔස්සේ ඉදිරියට යාමට උත්සහ කල යුතුය.
  4. තමන්ගේ මුල හඳුනාගෙන කිසිම දිනෙක මුල අමතක නොකළ යුතුය. තමන්ගේ දෙමාපියන්, සහෝදරයන් කිසිම දිනෙක අමතක නොකළ යුතුය
මෙම කරුණු වෙත ඔබගේ අවධානය යොමු කරන අතර ඉතා වැදගත්ම කරුණ වන්නේ ඔබ වටා සිටින පුද්ගලයන් කුමන ආකාරයේ කෙනෙහෙලි කම් කලද තමන්ගේ උදාර ගති ගුණ නොසෙල්වෙන ලෙස ජිවත් විය යුතුය. එවිට ඔබ සැබෑ මනුෂ්‍යයෙක් වනු ඇති බව මාගේ විශ්වාශයයි.

ඔබගේ සාර්ථක ජීවිතය ගොඩ නැගීමට කිසිම විටක ඔබ ප්‍රමාද නැත. අවශ්‍ය වනුයේ ඔබගේ උනන්දුව පමණි. අනෙකුත් සැම දෙයක්ම ඔබ කර පැමිණීම අනිවාර්ය වේ.

කිසි ලෙසකින්වත් ඔබගේ උත්සාහය අත් නොහරින්න. ඉදිරියටම යන්න. ජයග්‍රහණය ඔබ කර ලඟා වනු නියතය.

ඔබ ජීවිතය සාර්ථක කර ගත පසු ඔබට දේශපාලකයන් කුමන දේ කලද ඔබට ශක්තිමත් මිනිසෙකු ලෙස ජිවත් විය හැක. එවිට ඔවුන් ඔබ කරා පැමිණෙනු ඇත.